Աֆորիզմներ հայտնի հոգեբան Միխայիլ Լիտվակից

Կյանքը շատ բարդ է և լինում են պահեր, երբ մարդն ունենում է իմաստուն որևէ մեկի խորհրդի կարիքը: Way2self.in.ua-ն ներկայացրել է հայտնի հոգեբան Միխայիլ Լիտվակի ամենահայտնի մեջբերումները, որոնք կօգնեն ավելի հեշտ կողմնորոշվել և հաղթահաել բարդությունները:

1.  Ես չգիտեմ, թե որն է դեպի հաջողություն տանող ճանապարը: Բայց ես գիտեմ, որ դեպի անհաջողություն տանող ճանապարհը բոլորին դուր գալու ցանկությունն է:

2.  Գոյություն չունի տղամարդու կամ կնոջ տրամաբանություն: Գոյություն ունի գրագետ մտածելու ունակություն կամ դրա բացակայություն:

3.  Եթե ուզում ես ճանաչել քո գլխավոր թշնամուն, ապա նայիր հայելու մեջ: Եթե հաղթես նրան, մյուսները կփախչեն:

4.  Ընկերների հետ շփումը հաճելի է, իսկ թշնամիների հետ շփումը՝ օգտակար:

5.  Կապերը խզելու և աշխատանքից հեռանալու համար կա միայն մի հարգելի պատճառ՝ ստացված իրավիճակում անհատական աճի հնարավորության բացակայությունը:

6.  Անհաս անհատը հաճախ գիտի, սակայն չի կարողանում: Հասուն անհատը ո՛չ միայն գիտի, այլև կարողանում է: Սա է պատճառը, որ անհաս անհատը քննադատում է, իսկ հասունը` գործում:

7.  Ուրախությունդ կիսիր և՛ ընկերներիդ հետ, և՛ թշնամիներիդ: Ընկերդ կուրախանա, իսկ թշնամիդ կտխրի:

8.  Մի վազիր երջանկության հետևից, այլ գտիր այն վայրը, որտեղ այն կա, և երջանկությունն ինքը կգտնի քեզ: Կարող եմ հուշել. այն վայրը որտեղ քո երջանկությունն է, դու ինքդ ես: Իսկ դեպի այդ վայրը տանող ճանապարհը քո բոլոր ունակությունների առավելագույն զարգացումն է:

9.  Երջանկությունը ճիշտ կազմակերպված գործունեության «կողմնակի մթերքն» է:

10.  Եթե որևէ մեկը կշտամբում է քեզ անշնորհակալ լինելու համար, ապա անմիջապես ճշտիր, թե որքան արժի նրա ծառայությունը, վճարիր և այլևս այդ մարդու հետ ոչ մի գործ մի ունեցիր:

11.  Եթե դու որևէ մեկին ցանկանում ես ինչ-որ բան ապացուցել, ապա դու ապրում ես այն մարդու համար, ում ցանկանում ես դա ապացուցել: Եթե դու ապրում ես ինքդ քեզ համար, ապա որևէ մեկին որևէ բան ապացուցելու անհրաժեշտություն չկա:

12.  Երազանքները մեր կարողությունների ձայներն են: Օրինակ, ես չեմ երազում օպերայում երգելու մասին. ո՛չ ձայն ունեմ, ո՛չ երաժշտական լսողություն: Սակայն եթե երազեի, ապա, հետևաբար, այդ երազանքը «կտաքացնեին» իմ կարողությունները: Հետևաբար՝ կփորձեի օպերայում հայտնվել: Պարզապես հարկավոր է մտածել, թե ինչպես կարելի է իրականացնել այդ երազանքը: Այս դեպքում կարևորը չշտապելն է և այդ ժամանակ ամեն ինչ բավականին արագ կստացվի: Լավ է, երբ մարդը կարող է ասել իր մասին հետևյալը. «Ես զբաղվում եմ միայն իմ երազանքներն իրականացնելով»:

13.  Հասկանալու համար, թե ինչպես են քեզ վերաբերվում մարդիկ՝ պատմիր նրանց քո ծրագրերի ու երազանքների մասին: Նա, ով ծածուկ ատելություն է տածում քո հանդեպ, կքննադատի դրանք: Իսկ նա, ով քեզ համար միայն լավն է ցանկանում, կհուշի, թե ինչպես կարելի է իրականացնել դրանք:

14.  Մարդու հետ շփվելիս հիշի՛ր, որ նա իր մասին լավ կարծիքի է:

15.  Հասի՛ր հաջողության և բոլոր վիրավորանքները կմոռացվեն:

Հարցեր, պատասխաններ, մեկնաբանություններ